Владиславның дан минуты
Сәләтле балалар өчен лицей-интернатның 10 сыйныф укучысы Владислав Гордеев “IT-чемпион” республика конкурсының “Иң актив укучы” номинациясендә өченче урын яулады. Казанда мәгълүмати технологияләр паркында узган тантанада иң күп балл туплаган ун җиңүчегә бү-ләк-ноутбукны Татарстан Республикасы Президенты Рөстәм Миңниханов үзе тапшырды. Әлеге бәйгедә Владислав икенче ел катнаша. Былтыр Идел аръягы зонасында беренче урын алып iPad белән бүләкләнгән иде. Быел 950дән күбрәк түләү үткәреп һәм 4842 балл туплап, зуррак уңышка иреште. - Президент кулыннан бү-ләк алу бик күңелле һәм онытылмаслык булды. Ә менә өйрәнгәнем үзем өчен,- ди ул. Конкурсның “Иң актив мәк-тәп” номинациясендә районның Ташкичү урта мәк-тәбе җиңде. Уку йорты интерактив җиһаз алу өчен сертификатка ия булды. Сүз уңаеннан, ике ел эчен-дә бу конкурста 363 мең-нән күбрәк укучы катнашып, 450 меңнән күбрәк татарстанлыны дәүләт һәм муниципаль хезмәт-ләр күрсәтү порталында эшләргә өйрәткәннәр. Мо-ңа, билгеле, башка укучыларыбыз да саллы өлеш керткән. Республика дәрә-җәсенә чыкмасалар да, М. Вахитов исемендәге гимназиядән Эмиль Хәбибуллин, Алшихтан Яна Паллина район күләмендә икенче-өченче урыннарны алдылар. Владиславның әти-се, район мәдәният идарәсе баш белгече Роберт Иванович та улына “ияреп” танылды. Ул муниципаль хезмәткәрләр тарафыннан электрон хезмәт күрсәтү-ләрдән файдалану буенча район конкурсында җиңеп чыкты. Әлфия ШӘРӘФЕТДИНОВА. АВТОР ФОТОСЫ.
