Хезмәт законнарын бозган өчен штрафлар үсте
Татарстан Республикасының Хезмәт, шөгыль һәм социаль яклау министрлыгы 1 гыйнвардан Россия Федерациясенең административ хокук бозулар турындагы Кодексына эш бирүчеләрнең хезмәт хокукы нормаларын үз эченә алган хезмәт законнарын һәм башка норматив хокукый актларны бозган өчен җаваплылык чараларын арттыруны күздә тотучы үзгәрешләрнең үз көченә керүен хәбәр итә. Әлеге Кодексның 5.27 маддәсенең 1 бүлегенә туры китереп, хезмәт хокукы нормаларын, шул исәптән минималь хезмәт хакы, хезмәт хакын түләү сроклары, хезмәткә түләү нормалары өлешендәгеләрне һәм хезмәт законнарының башка положениеләрен үз эченә алган хезмәт законнарын һәм башка норматив хокукый актларны (Кодексның 5.27 маддәсенең 2 һәм 3 бүлекләрендә, 5.27.1 маддәсендә күрсә-телгән хокук бозулардан тыш) бозган өчен вазифаи затларга һәм эшмәкәрлек эшчәнлеген юридик зат оештырмыйча гына алып баручы затларга 1 меңнән 5 мең сумга кадәр, юридик затларга 30 мең сумнан 50 мең сумгача штраф түләр-гә туры киләчәк. Мондый хокук бозу өчен административ җаваплылыкка моңа кадәр дә тартылган очракта штраф суммасы күпкә арта. Вазифаи затларны 10 мең сумнан 20 мең сумга кадәр штраф яисә 1дән 3 елга чаклы дисквалификацияләү көтә. Эшмәкәрлек эшчәнлеген юридик зат оештырмыйча гына алып баручы затларга да 10 мең сумнан 20 мең сумга хәтле штраф салына. Юридик затларга ул 50 мең сумнан 70 мең сумга чаклы тәшкил итә. Беррәттән Россия Федерациясенең административ хокук бозулар турындагы Кодексына хезмәт законнары өлкәсендә административ хокук бозуларның яңа составлары да кертелде. Аның 5.27 маддәсенең 2 бүлегенә туры китереп, эш бирүче яисә моңа вәкаләтле вәкил эш-кә фактта алынган зат һәм әлеге эш бирүче арасындагы мөнәсәбәтләрне хезмәт мөнәсәбәтләре итеп танымаган очракта (хезмәт килешүе төземә-гәндә) моңа вәкаләте булмаган эш бирүче граждан фактта эшкә алганда 3тән 5 мең сумга кадәр, вазифаи затлар 10 мең сумнан 20 мең сумга кадәр штраф түләячәкләр. 5.27 маддәнең 3 бүлеге буенча хезмәт килешүе төземәү яки аны тиешенчә төземәү яисә хезмәткәр һәм эш бирүче арасында хезмәт мөнәсә-бәтләрен фактта көйләүче гражданлык-хокукый килешүен шулай ук тиешенчә төземәү өчен вазифаи затлардан 10 мең сумнан 20 мең сумга кадәр, эшмәкәрлек эшчәнлеген юридик зат оештырмыйча гына алып баручылардан 5 мең сумнан 10 мең сумга кадәр, юридик затлардан 50 мең сумнан 100 мең сумгача штраф түләттереләчәк. 5.27 маддәнең 2 һәм 3 бүлекләрендә күрсәтелгән әлеге хокук бозулар кабатланганда гражданнар 5 мең сум штраф, вазифаи затларны 1 елдан 3 елга чаклы дисквалификация-ләү көтә, эшмәкәрлек эшчәнлеген юридик зат оештырмыйча гына алып баручылар 30мең сумнан 40 мең сумга кадәр, юридик затлар 100 мең сумнан 200 мең сумга кадәр штраф түләргә мәҗбүр булачаклар. Кодексның 19.5 маддәсенең 23 бүлегенә туры китереп, хезмәт законнарының, хезмәт хокукы нормаларын үз эченә алган башка норматив хокукый актларның үтәлешенә федераль дәү-ләт күзәтчелеген гамәлгә ашыручы башкарма властьның федераль органының вазифаи заты биргән законлы күрсәтмәне билгеләнгән срокта үтәмәгән яисә тиешенчә үтәмәгән өчен дә штрафлар күләме гаять зур. Вазифаи затларга ул 30 мең сумнан 50 мең сумга чаклы булырга яки 1дән 3 елга кадәр дисквалификацияләү көтәргә мөмкин. Эшмәкәрлек эш-чәнлеген юридик зат оештырмыйча гына алып баручылардан да шул суммада штраф түләттерәчәкләр, юридик затларга ул 100 мең сумнан 200 мең сумга кадәр җитәчәк. Эш бирүче тарафыннан хезмәт законнарының үтә-лешен тикшерү федераль хезмәт инспекциясе һәм аның территориаль органнары тарафыннан гамәлгә ашырыла. Хезмәткәр, хез-мәт хокуклары бозылган очракта Казан шәһәре, Ямашев проспекты, 48 “Б” йорт адресы…
