Срогы чыккан продуктлар исемлегендә - казылык, балык һәм шоколад
Товарларга бәяләмәләр, аның турында мәгълүмат юк һәм киштәләрдә срогы чыккан продуктлар ята – февраль аенда ике кибетне тикшереп, Татарстан Республикасы Яшел Үзән территориаль органының контроль-инспекция бүлеге белгеч-эксперты Рөстәм Хәбибуллин шундый җитешсезлекләрне ачыклады. Яраксызга чыккан продуктларның гомуми бәясе 6119 сум 92 тиен, ә искерү срогы 1 атнадан ел ярымга (!) кадәр тәшкил итә. “Просрочка” исемлегендә беренче урында – казылыклар, балык пресервы, хәтта шоколад тора. Алар барысы да сатудан алынды һәм сәүдә нокталары хуҗаларына карата беркетмәләр тутырылып, административ чаралар күрү өчен тиешле органнарга җибәрелде. Сыйфатсыз, срогы чыккан товарга очраганда 3-52-81, 89270346162 номерларына шалтыратырга кирәк. Татарстан Республикасы Яшел Үзән территориаль органының контроль-инспекция бүлеге белгеч-эксперты хәзер яңа адрес буенча кабул итә: Буа шәһәре, Космовский урамы, 31 йорт (авыл хуҗалыгы һәм азык-төлек идарәсе, беренче кат, уңда өченче ишек
