Парклар һәм скверлар елының логотибы билгеле
Быел республикада билгеләп үтеләчәк Парклар һәм скверлар елы логотибын тәгаенләде. Ул Татарстан Министрлар кабинеты тарфыннан расланды. Логотип заманча парк рәвешендә сурәтләнгән. Элемент буларак анда төп керү урыны – арка, агач эскәмия, фонарь, фонтан бар. Шулай ук кошлар һәм болыт образлары да урын алган. Арткы фонда исә ылыслы һәм яфраклы агач төрләре гәүдәләнгән. Андагы Сөембикә манарасы – Татарстанның милли ягын, тимераяк һәм велосипед – республикабызның динамик үсешен, спорттагы уңышларын тасвирлый. Мәгълүмат Татар-информ сайтыннан алынды.
