15 июня 2015 года в Буинске

Р. Люксембург урамындагы 173 номерлы йорт артындагы сарайларны сүтәләр. Анда яшәүчеләр торак-коммуналь хуҗалык  хезмәткәрләре килгәнче аларның түбәләрен, такталарын каера, кирпечләрен аера башладылар. Сүтү якшәмбе өмәсе төсе алды. Бушап калган урында яңа күпкатлы йорт салу планлаштырыла. Ә балконы да, подвалы да булмаган ике катлы йортта яшәүчеләр хәзер вак-төяк хуҗалык әйберләрен куеп тору өчен сүтелгән сарайлар урынына яңаларын салганны көтәләр.  

Районда еланнар күбәйде. Шәһәрнең Төньяк бистәсендә яшәүчеләр өйгә тузбаш керүе турында да хәбәр иткәннәр. Охшаш хәл Килдураз авылында һәм шәһәрнең Свердлов урамында да булган дигән мәгълүмат бар. Соңгы ике очракта чакырылмаган “кунак”ның тузбашмы, агулы кара еланмы икәнен белмичә калганнар. Сүз уңаенна, тузбашның да, агулы еланның да  уртача озынлыгы 0,8-1 метр була. Сирәк кенә 2 метрга җитәргә мөмкин. Төп аерма шунда – тузбашның баш артында бер-берсенә симметрияле сары, әфлисун, аксыл төстәге ике тап була. Читать дальше...

  Беренче җәйге табигать нигъмәте – бакча җиләге өлгерде. Кичә базарда аны килограммын 160-180 сумнан саттылар.  Әле кояшка каршы тау битләрендә, ачык урыннарда гына кызарып килүче җир җиләген җыеп сатучылар да бар иде. Анысына инде 150 сумны килограммына түгел, ә ярты литрлы савыты өчен сорыйлар. Белгечләр читтән кайтарылган түгел, ә үзебезнең җирлектә үскән бу җимешләрнене сезонында мөмкин кадәр күбрәк ашап калырга киңәш итәләр. Чөнки организм өчен файдалы матдәләргә бай алар. Викториянең составында җиләк-җимеш шикәрләре... Читать дальше...

Якшәмбе кичендә, 20 сәгатьләрдә исерек хәлдәге 1987 елгы буалы идарә иткән “Форд Фокус” автомобиле Колхоз урамы белән Вахитов урамы чатында торган светофорны бәрдерде. Йөртүченең үзенә зыян килмәгән, автомобильдә азрак җимереклекләр бар. Транспорт штраф-стоянкага куелган. Ә световор эштән чыккан. Шул сәбәпле, ДТПдан соң һәм икенче көнне иртәнге якта әлеге тыкрыкта автомобильләр хәрәкәте светофорлар белән көйләнмәде, алар сүнгән килеш торды. ЮХИДИ хезмәткәрләре хәбәр итүенчә, светофорны дүшәмбе ясауга керешәчәкләр. Читать дальше...

Дөресен әйткәндә, “Буа дулкыннары” телерадиокомпаниясе хезмәткәре Илсөяр Садыйкова анда массакүләм мәгълүмат чаралары вәкиле сыйфатында барачак. Ул якын арада “Дом-2” тапшыруының элеккеге катнашучылары  белән оештырылучы шимбә ток-шоусында катнашачак. Мәскәүгә сәфәр алдыннан Илсөяр буалылардан, “Дом-2” катнашучыларына сораулары булса, аларны комментарий рәвешендә язып җибәрүләрен сорый. Сораулар кызыклы, “чәнечкеле” һәм гадәти булмаска тиеш.