Иделдә тагын бер корбан булырга мөмкин. Бусы – тәтешле
Бүген Иделнең Тәтеш янындагы өлешендә дә кеше бату ихтималы бар. 1 номерлы зона эзләү-коткару отрядына 1969 елгы тәтешле ир-атның югалуы, ә киемнәре һәм кул сәгате яр буенда ятканлыгыт турында аның туганы хәбәр итә. Ул Иделгә баткан дип фаразлана. Хәзерге вакытта эзләү-коткару отряды коткаручылары шул урында эзләү эшләрен башладылар. Бер үк вакытта баткан дип фаразланган ирне көймәдә йөзеп тә, яр буйларыннан өйрәтелгән эт белән дә эзлиләр.