Бүген көчле җил Наратлык урманы юлында агачларны аударды
16 сәгатьләр тирәсендә Буа өстенә кара болытлар килде. Наратлыкта ял итүче балалары янына барган әти-әниләр шул вакыт куркыныч астында калдылар. Җил агачларны юлга аударды, электр баганаларыннан ут очкыннары чәчелде. Бәхеткә зыян күрүчеләр булмады. Алар ярдәм көтеп 1 сәгатькә якын юлда утырдылар. Төрле хезмәтчелекләр тиз арада килеп җитеп, юлларны ачтылар, лагерьларга утларны тоташтырдылар. Лагерьда бар да тәртиптә дип хәбәр иттеләр тәрбиячеләр.