25 августа 2015 года в Буинске

21 августта Татар Буасы авылыннан билгесез юнәлештә чыгып киткән 44 яшьлек Антонина Гайсинаны әлегә таба алмыйлар. Аны балалары, якыннары эзли. Пенсия фондының Буа   районы һәм шәһәре идарәсе хезмәткәрләре аны табуда булышырга алындылар. Идарәнең берничә хезмәткәре бер төркем булып кичә шәһәрнең татар зираты  яныннан алып тимер юл буйларыннан эзләделәр, ә бүген Көнбатыш бистәсе ягында урман ышыклау полосалары буйларын карадылар.  Кызганыч, әлегә нәтиҗәсез.  

Күптән түгел районның балигъ булмаганнар эшләре буенча комиссиясе әгъзалары, опека һәм попечительлек, халыкны социаль яклау бүлекләре хезмәткәрләре авыллардагы “авыр” гаиләләрдә булдылар. Бер өйдә дүртенче дистәне ваклаучы әнинең мәктәпкәчә яшьтәге ике сабыен ач тотуын күрделәр. Йортта каткан ипи кисәге генә табыла. Исерек әни аның белән яшәүче ир-ат бу хәлне берничек тә аңлатып бирә алмыйлар. Профилактикалау органнары хезмәткәрләре ике сабыйны да район дәваханәсенә дәвалауга салдылар. Ә әни... Читать дальше...

Узган дүшәмбедә районда чөгендер алуга да керештеләр. Татлы тамыр казуны “Дружба” агрофирмасы башлап җибәрде. Бер тәүлектә агрофирмада 45 гектарда чөгендерне җир өстенә чыгардылар. Татлы тамыр уңышы әлегә һәр гектардан 300 центнер күресәтә. Район буенча әлеге культура быел 78888 гектарда игелгән.

  Бүген Буага “Татарстан-Яңа гасыр” телерадиокомпаниясе генераль директоры, “7 көн” тапшыруын алып баручы Илшат Әминов һәм аның белән бер төркем журналистлар килде. Район башкарма комитеты җитәкчесенең социаль мәсъәләләр буенча урынбасары Лилия Садретдинова әйтүенчә, алар райондагы президент программасы буенча төзелгән   объектлар һәм Буаның башка тарихи урыннары турында сюжет төшерәләр. Бүген иртән алар яңа “Светофорик” балалар бакчасына бардылар, шәһәрнең үзәк паркта барган төзекләндерү эшләре белән таныштылар... Читать дальше...

Бүген төнгә каршы “Ак Барс Буа” җәмгыятенең 4 номерлы филиалының “Волга” бүлекчәсендә Иске Тинчәле авылы кырына куеп калдырылган культиваторның запас частьләр – 2 күтәртү цилиндры, 6-7 метр озынлыктагы резина шланглар юкка чыккан. Урлау факты турында көндезге 10нчы яртыда полициягә 1986 елгы буалы хәбәр иткән. Әлеге каракларның шәхесе билгесез, аларны эзлиләр.

23 июльдә шәһәрнең Космовский урамында урнашкан йорты ишегалдында каты пешкән ир-ат Казан пешүләрне дәвалау үзәгендә ята. Ул көнне ул тимер мичтәге утынга ут элдерергә  теләп тиз янучан ягулык куллана. Дөрләп киткән ялкын аның киемнәренә, чәчләренә, тәненә үрли. Бүгенге көнгә ул дүрт операция кичерде, туганнары, якыннары аның өчен кан бирә. Үзәк табиблары аның пешү дәрәҗәсен 84 процент дип бәяләделәр. Бу бик куркыныч. Безнең якташыбызның хәлен тәненең өске өлеше күбрәк пешүе, эчке органнарга азрак зыян килү коткарган. Читать дальше...