Буада сарайлар янды
Кичә кичке тугыз тулганда – күк йөзен кара болытлар каплап алып, нәкъ җилнең көчәйгән чагында шәһәрнең Тимер юл урамында янгын чыкты. Ут тимер юлны тоннель тибындагы аркылы чыгу урыныннан ерак түгел, 40 номерлы йорт адресы буенча урнашкан йорт артындагы сарайларга элде. Агач сарайлар 111 номерлы янгын часте янгын сүндерүчеләре килгәндә ялкынланып яна иделәр. Алар утның якындагы корылмаларга таралуына юл куймадылар һәм сарай эчендәге шартлау куркынычы зур булган иске балоннарны канистраларны алып чыктылар. Янгын чыгу сәбәпләре тикшерелә.
