Буалылар ничек уйлый: велосипедчыга “права” кирәкме?
Санкт-Петербург Законнар чыгару җыелышы депутаты Виталий Милонов Россия Эчке эшләр министрлыгына велосипедка идарә итүгә хокук бирүче таныклыкларны гамәлгә кертергә һәм велосипедчылардан юл йөрү кагыйдәләрен белүгә имтихан алырга, дигән тәкъдим белән чыкты. Дөрес, Милонов фикеренчә, мондый тәртипне миллионлы шәһәрләрдә, мегаполисларда гына кертергә кирәк. Ә буалылар ничек уйлый – велосипедчыларга таныклык кирәкме? Алмаз КӘРИМОВ, район ЮХИДИ бүлекчәсе дәү-ләт инспекторы: -Велосипедта йөргәндә нинди юл кагыйдәләрен белергә кирәклеген балаларга өйрәтсеннәр. Моңа аерым дәрес яки сыйныф сәгатен багышлау да комаучау итмәс. Җәйге вакытта яше дә җитмичә велосипедка утырып, автомобиль юлында йөрүчеләр байтак. Бу уңайдан әти-әниләрне даими кисәтеп торабыз. Ә менә зурларга “права” кирәкми. Алайса артык күпкә китә. Олылар үз-үзләре өчен тулысынча җавап бирәләр. Миләүшә ХӘСӘНОВА, китапханәче: -Утыз елдан бирле велосипедта йөрим. Үземә кагылышлы юл йөрү кагыйдәләрен беләм. Аллага шөкер, юлда бернинди кыен хәлгә калганым юк. Миңа нәр-сәгә “права”? Дәүләт акча эшләү өчен бу яңалыкны чыгармакчылармы? Миләүшә ӘБЕЛХАНОВА, хуҗабикә: -Мин түбәнкамалы велосипедчыларга көнләшәм: шәһәрдә алар өчен аерым юллар ясалган. Рәхәт-ләнеп йөриләр, алар да беркемгә, аларга да беркем комачаулаучы юк. Миңа калса, мондый шарт-ларда велосипедчылардан йөртүгә хокук бирүче таныклык сорау да урынсыз. Бернинди “права” кирәкми, бары тик велоюллар ясасыннар. Иван ЛИХОМАНОВ, программалаучы-дизайнер: -Буа кебек кечкенә шәһәр-дә велосипедчылардан “права” сорау урынсыз. Алар күп түгел, йөртү-челәргә дә бик комачауламыйлар. Ә менә Казанда бу яңалыкны кертсәләр, начар булмас иде. Ә юл йөрү кагыйдәләрен һәр велосипедчы белергә тиеш.
