Буада “яңа пешкән” чәчтараш барлык ир-атларның чәчләрен түләүсез кыркыган
“Ландыш” сәүдә үзәгендәге чәчтарашханәдә ир-таларның чәчләрен түләүсез кыркалар, дигән хәбәр чыкты Буада. Бу хәл, чыннан да булган, ләкин вакытлыча гына. Ир-атларның чәчләрен бары тик өч-дүрт көн генә түләүсез алганнар, прическалар ясаганнар. Баксаң, бу акция дә, хәйрия хезмәт күрсәтүе дә түгел, ә чәчтарашханәгә яңа эшкә килгән оста шундый “эксперимент” өстендә үзенә тәҗрибә туплаган. Иң мөһиме бер клиент та “яңа пешкән” чәчтарашка ризасызлык күрсәтмәгән.
