Полиция хезмәткәрләре буалы хатын-кызга пычак кадауда шикләнелүчене ачыкладылар
Район эчке эшләр бүлеге хезмәткәрләре кичә кич район үзәк дәваханәсенә китерелгән хатын-кызга пычак кадауда шикләнелүчене ачыкладылар. Ул Татар Биморзасында җинаять кылынган йортның хуҗасы – 1968 елгы берничә тапкыр хөкем ителгән һәм административ җаваплылыкка тартылган ир-ат. Алар алкоголь куелган табын артында бәйрәм иткәндә сүзгә килгәннәр. Исерек талашның ахыры шулай аяныч тәмамлана. Район үзәк дәваханәсеннән алынган мәгълүматларга караганда, 26 яшьлек хатын-кыз реанимация бүлегендә ята. Аның бавыр тирәсендә тәненә кадалган пычак, бәхеткә, эчке органнарына зыян салмаган. Ул үз аңында, табиблар хәле уртача авырлыкта дип бәялиләр.
