Буада Кыш бабайга хат әрҗәсен декабрьдә, ә Великий Устюгта бүген эләләр
Бүген Кыш бабайның туган көне. Аның туган көнен балалар үзләре уйлап тапкан, чөнки нәкъ менә 18 ноябрьдә аның туган ягы Великий Устюгта чын кыш, суыклар башлана. Великий Устюг Россия Кыш бабаеның ватаны булып рәсми рәвештә 1999 елда билгеләнә. Бу көнне биредә Кыш бабабйга котлаулар салу өчен махсус әрҗә эләләр. Замана Кыш бабае заманча технологияләрне дә үзләштерә – балалардан хатларны электрон почта ашада ала, тагын социаль челтәрләрдә блоглар алып бара, коллегалары белән кәрәзле телефоннан сөйләшә. Аның туган көне белән котларга Финляндиядән Санта Клаус, Якутиядән Чисхан, Карелиядән Паккайне, Чехиядән Микулаш, Костромадан Кар кызы, шулай ук төрле шәһәрләрдән рәсми делегацияләр киләчәк. Бу көнне Великий Устюгның үзәк мәйданында төрле бәйрәм чаралары уза, традиция буенча беренче Яңа ел чыршысының утларын кабызалар. Чыганак: http://www.tatar-inform.ru/news/2015/11/18/480482. Фото: skachatkartinki.ru
