Мылкыд (Эфир от 18.06.2019)
Алнаш ёросысь Улын Сырьезь гуртын туж капчи мылкыдо но усточи калык улэ. Кырӟась-эктӥсь коллективъёссы но отын котьку вылӥллям. Нош 1994-тӥ арын сокугес гинэ клубе вуэм егит ӧнерчи Светлана Иванова выль, фольклор ансамбль кылдытыны мылкыд кариз. «Азвесь гырлы» нимазы сое. Со дырысен ансамбль пӧртэм росси но калыккуспо фестивальёсы, конкурсъёсы пыриськиз ини. Но тужгес но бадӟым вормонэз - Саратовын басьтэмез - лауреат луэм сяна, сырьезьёс отын 2 миллион манет уксёен пусъемын вал... Таяз «Мылкыд» программаямы пумиськиськомы та ансамбльын кырӟась нылкышноосын — Лидия Васильеваен, Валентина Бальзинаен, Ольга Чекинаен, Елизавета Андрееваен но кивалтӥсенызы Светлана Ивановаен#РадиоРоссииУдмуртия
