Очрашу (Эфир от 10.12.2020)
Декабрь аеның дататар календарендә илебез сагында торган гаскәрләрне, батыр солдатларны искә алу көннәре берничә. Батырлык күрсәткән солдат көне, Россиянең хәрбиләр даны көне һәм илебезнең каһарманнары көне билгеләнеп үтелә. Нәкъ шушы даталарга туры китереп, мәктәп укучылары һәм югары уку йортларында студентлар, киң җәмәгатьчелек белән очрашулар уздырыла, видеофильмнар күрсәтелә. Шундый очрашуга Ижау шәһәренең коралл остасы Драгунов исемендәге индустриаль көллиятенең беренче курс студентлары җыелды. Алар каршында «Долг» эзтабарлар оешмасы җитәкчесе Фаил Ибраһимов һәм оешма әгъзалары чыгыш ясады.
“Утка-суга керер татар милләтен саклар өчен” - бу юллар Республика татарларының милли-мәдәни автомиясе эшчәнлегенә бик туры килә. 2020нче елда ковид чире таралган айларда халкыбызны берләштерү, милләттәшләребезнең тормышын җанландырып җибәрү өчен төрле алымнар кулланырга туры килә. Республикада чиргә каршы куелган таләпләрне үтәп, алдан билгеләнгән планнарына үзгәртмәләр кертеп, автономия берничә чара уздырды. Аларның иң күңеллесе “Ижау моңнары” бәйге-фестивале#РадиоРоссииУдмуртия