Арумы, туганай, Иске Җирекле
Тукай районы Мәләкәс авылы мәдәният йорты хезмәткәрләре Иске Җирекле авылы халкына менә дигән концерт оештырганнар.
Анда “Питрау” фольклор коллективының кечкенә һәм зур составы чыгыш ясаган. “Яшьлек” бию коллективы тамашачыларны дәртле биюләре белән сөендергән.
Роза Семенова, Анна Васильева, Николай Евграфов һәм Леонид Кузьмин башкарган җырларны кунаклар кайнар алкышларга күмеп кенә калмыйча, аларга кушылып җырлаган. Авыл халкы концерттан канәгать калды, дип хәбәр итә Мәләкәс авылы мәдәният йорты директоры Людмила Адамова.