Первокурсниклар, сез кайда?
Һәрбер яңа уку елында Казан шәһәре меңләгән студентны каршы ала.
Кемдер икенче, кемдер бишенче курска укырга килә. Алар арасында беренче тапкыр югары уку йортларын атлап кергәннәр дә бар. Безнеңчә – первокурсниклар. Күпме икән керәшен яшьләре арасында первокурсниклар? Сез кайларда?
Быел керәшен оешмасы һәм аның “Бәрәкәт” яшьләр бүлеге “День кряшенского первокурсника” үткәрергә булды. Барлык яшьләрне бергә җыеп, яңалары белән танышып, үзебез турындагы белемнәрне тагын да баетып, күңелле уеннар уйнап, җырлап-биеп кайтырга менә дигән сәбәп бу.
30 сентябрь көнне 17 сәгать 30 минутта барыгызны да Халыклар Дуслыгы йортында көтеп калабыз. Кичә кызу булачак.
Килегез! Күрегез! Күңелле булачак – белегез!