Кырларда кукуруз уралар [+фоторепораж]
![Кырларда кукуруз уралар [+фоторепораж]](http://www.saby-rt.ru//media/k2/items/cache/355123ddea3960cfae53b71ebaf50825_S.jpg)
Районда терлекләрнең баш саны күп, аларны кыш чыгарлык азык запасы белән тәэмин итү – төп бурыч.
Хәзерге вакытта авыл хуҗалыгында кукуруз уру һәм аны силоска салу – көн кадагындагы мәсьәләләрнең берсе. Әлеге культура быел районда 4800 гектарда игелде. Шуның 50 гектары – бөртеккә, калганы – силос өчен. Хәзерге вакытта хуҗалыкларда аны җыеп, силос салу бара. Район авыл хуҗалыгы һәм азык-төлек идарәсеннән 30 сентябрьгә алынган мәгълүматлардан күренгәнчә, 2400 гектардан 47 мең тонна силос әзерләнгән. “Саба” җәмгыятенең Тимершык бригадасында – 5533 тонна, “Кибәче” бригадасында – 4700 тонна, “Мөхәммәтшин” крестьян-фермер хуҗалыгында – 5172 тонна, “Юлбат” авыл хуҗалыгы предприятиесенең Килдебәк бригадасында 3981 тонна, “Эзмә сөтчелек комплексы”нда – 3018 тонна, “Әхмәтов” крестьян-фермер хуҗалыгында – 2660 тонна силос салынган. “Саба” җәмгыяте “Сатыш” бригадасында – 7657 тонна силос салынган, 7098 центнер кукуруз бөртеге сыттырып пленкаларга тутырылган. “Шытсу” җәмгыятенең Югары Шытсу авылы ягындагы кырда “Саба” җәмгыяте бригадасы эшли.
Тулырак язманы "Саба таңнары" газетасында укый аласыз
