Терлек асраучыларга акчалата ярдәм
Татарстан бюджетыннан шәхси затларның терлек биналарын яңартуга акча бүленеп биреләчәк. Төбәк бюджетыннан дотацияләргә 4-6 сыер асраучылар өметләнә ала. ТР авыл хуҗалыгы һәм азык-төлек министры Марат Әхмәтов белдергәнчә, терлек биналарын яңартуга 200әр мең сум бүлеп бирү планлаштырыла. Моннан тыш шәхси ярдәмче хуҗалыкларга яшь терлек сатып алганда 15әр мең сум бирү турында карар кабул ителде.