15 яшьлек малай Grand Theft Auto уены аркасында әнисен үтергән
Чиләбе өлкәсе Миасс шәһәрендә шушы көннәрдә коточкыч вакыйга булды. 15 яшьлек малай ызгышкан вакытта әнисенә берничә тапкыр пычак белән кадаган. Соңрак өйгә кайтып кергән әтисен дә җәрәхәтләгән. Әтисен реанимациягә салганнар.
Вакыйганың сәбәбе – баланың компьютерда уйнау вакытын чикләү. Ул бик яхшы укый торган булган. Фаразларга караганда, ул World of Warcraft һәм Grand Theft Auto уеннарын уйнарга яраткан.
Җинаять кылганнан соң малай үз-үзенә кул салу өчен елгага барган. Әмма су сай булу сәбәпле батып үлә алмаган.