Яңа мәктәп
[img="http://sabantuy.net/uploads/images/default/bez_imeni1trtrr.jpg" border="0" vspace="4" hspace="4" width="147" height="220" align="Left"]bez_imeni1trtrr.jpg (30.29 Kb)[/img][b]Яңа мәктәп[/b]
Бу мәктәп Казанның «Кояшлы шәһәр» микрорайонында быел гына ачылды әле. 35нче мәктәптәге 26 класста 654 укучы белем ала. Аларга «энә белән кое казырга» ягъни акыл-белем тупларга 53 укытучы ярдәм итә. Шуларның 17се — «Безнең яхшы укытучы» гранты ияләре. Мәктәптә экологиягә, тирә-юнь мохитне саклауга, бөтендөнья мәдәниятен һәм табигать мирасын өйрәнүгә зур игътибар бирелә. . Шулай ук биредә «Аэрокосмик белем бирү мәктәп үзәге» проекты бик уңышлы эшләп килә. Юк, әлеге белем йортында булачак Гагариннар һәм Титовлар әзерләмиләр, ә киләчәктә фән һәм техника юнәлешендә кирәк булачак инженерлар һәм фәнни кадрлар булдыру турында кайгырталар.
Укучылар мәктәптә тулы көн булып, өстәмә белем дә алалар. Аларга фәнни-техник иҗат өчен астрономик тикшеренүләр, «Җир галәмнән» космик мориторингы, ракета-космик модельләштерү һәм радиотехника лабораторияләре дә булдырылган.
Мәктәп ТР Мәгариф һәм фән министрлыгының «Мәктәп дәресләрдән соң-2013» республика бәйгесендә катнашып, «Фәнни-техник иҗат» номинациясенең ике юнәлешендә грантка ия булган.
