У Гродне працуе выстава слонімскіх і зэльвенскіх майстроў
Майстры Слонімскага і Зэльвенскага раёнаў паказалі свае творчыя працы на выставе «У творчым сяброўстве і добрым суседстве» ў Гродзенскім абласным метадычным цэнтры народнай творчасці.
Выстава адчыніла дзверы 10 верасня і будзе працаваць да 1 кастрычніка.
Экспанаты выставы дэкаратыўна-прыкладнога мастацтва слонімскіх і зэльвенскіх майстроў — гэта 110 прац, выкананых у розных тэхніках, якімі вякамі славілася беларуская зямля.
Раней кожная такая вырабленая рэч мела не толькі дэкаратыўную, але і практычную каштоўнасць.
Напрыклад, майстар з Зэльвеншчыны Сяргей Худзяеў адрадзіў унікальную чарнадымленую кераміку. Гэта старажытны спосаб апрацоўкі керамічнага посуду, калі яго адмыслова абпальвалі ў выкапанай яме.
Чарнадымлены посуд Сяргея Худзяева. Скрыншот відэа Гродна+
Майстрыха са Слоніма Ларыса Альховік паказала на выставе некалькі сваіх прац ў розных стылях.
Гэты саламяныя вырабы, плеценыя карзіны, вітражы, карціны, напісаныя алейнымі фарбамі.
Вітражы Ларысы Альховік. Скрыншот відэа Гродна+
Саламяныя карціны Ларсы Альховік. Скрыншот відэа Гродна+
Фота з сайта Гродзенскага абласнога метадычнага цэнтра народнай творчасці