Пазнай сябе на фота
Паважаныя чытачы! Пазнавайце на старых фотаздымках сябе, сваіх знаёмых і блізкіх і тэлефануйце нам: 8 (01562) 29-999, 8 (029) 133-04-21 у працоўныя дні з 9:30 да 17:30. Найбольш цікавыя расповеды пра герояў здымкаў будуць надрукаваны ў газеце, а іх аўтары атрымаюць запрашальныя квіткі на спектаклі Слонімскага драматычнага тэатра.
На фоне слонімскіх кіраўнікоў
На здымак жанчыны на фоне слонімскіх кіраўнікоў першым адгукнуўся наш чытач Уладзімір Рабцэвіч.
— Мне здаецца, чацвёрты справа на гэтым здымку — былы дырэктар камбікормавага завода ў Слоніме Якаў Трухан, — выказаў здагадку Уладзімір.
Таксама патэлефанаваў у рэдакцыю наш сталы чытач Ігар Іўчанка і пералічыў усіх, каго пазнаў: «Злева направа стаяць былыя начальнік упраўлення адукацыі выканкама Аркадзь Бумагін, дырэктар друкарні Анатоль Лагуцік, рэнтгенолаг Налівайка, дырэктар камбікормавага завода Трухан, а крайні справа — дырэктар чацвёртай школы Трафімовіч».
Фота з архіва «ГС»