Слонімскія баксёры біліся ў Гродне
У Гродне з 15 да 18 верасня праходзілі спаборніцтвы сярод баксёраў. Спартсмены з Гродна, Астраўца, Ліды, Скідзеля, Смаргоні, Карэлічаў і Слоніма змагаліся за медалі ў розных узроставых катэгорыях. У большасці баёў слонімскія хлопцы сталі лепшымі.
На алімпійскіх днях моладзі сярод юнакоў 2003-2004 гадоў ад Слоніма выступалі трое выхаванцаў.
Дзяніс Хворык (у вагавой катэгорыі да 60 кг), Аляксандр Людвіг (да 56 кг) і Андрэй Масалаў (да 81 кг) заваявалі залатыя медалі і здабылі першае агульнакаманднае месца.
Крыху горш баксёры з ДЮСШ №1 горада Слоніма выступілі на спартакіядзе школьнікаў Гродзенскай вобласці 2006-2007 гадоў нараджэння.
Залатыя медалі на рахунку Мікіты Шкурко і Паўла Панкраценкі.
Першы выступаў у вагавой катэгорыі да 75 кг, а другі – да 90 кг.
На трэцюю прыступку п`едэстала ўзняліся Арцём Бальшоў (да 48 кг), Міраслаў Рагозік (да 44 кг), Максім Зімніцкі і Максім Рослікаў (абодва змагаліся ў вазе да 40 кг).
Яшчэ па два залатыя і два срэбраныя медалі прывезлі слонімскія баксёры з першынства Гродзенскай вобласці сярод юнакоў 2008-2009 гадоў нараджэння.
Лепшымі сталі Антон Макарэвіч (да 50 кг) і Ілля Панасік (звыш за 72 кг).
Срэбра прывёз Максім Пятрашка (да 59 кг), а бронзу – Максім Карповіч (да 42 кг).
Фота Турал ХАНГУЛІЕЎ