Стаіць вярба над вадою…
На паэтычнай хвалі
Стаіць вярба над вадою,
Нізка нахілілася.
А Ганна-дзяўчыначка
Моцна зажурылася.
Яе хлопец — сокал шэры —
Высока лятае,
Пра дзяўчыну Ганначку
Ужо не ўспамінае.
А калісьці вечарамі
Зорачкі збіралі,
Потым, смеючыся,
Небу пасылалі.
Хмаркі белакрылыя
Чародкай праплывалі,
Пра вербачку і сокала
Песню-гімн складалі.
— Прыляці, мой сокал,
Побач апусціся
І скажы мне ціха:
«Ганна, не журыся!»
Стаіць вярба над вадою,
Нізка нахілілася.
А наша дзяўчыначка
Моцна зажурылася.
Залатая рыбанька
На Ганначку зірнула
І сказала гучна,
Каб яна пачула:
— Сокал твой каханы
Цяпер вельмі важны.
А яшчэ, ты ведай,
Ачарсцвеў, прадажны.
Абнімаў цябе ён,
Сыпаў цуды жарты,
А цяпер, запомні,
Тваёй пяты не варты.
Туліцца да вербачкі
Ганна маладая.
Размаўляе з ёю
Рыбка залатая.
2020 год