Мастаўлянін Дзмітрый Чэкан болей не працуе на «Радыё Гродна»
Дзмітрый адпрацаваў на «Радыё Гродна» восем гадоў. Ранкам шмат гарадзенцаў слухалі яго праграму. Яна стварала бадзёры настрой, але не датычыла палітыкі. На пачатку верасня Чэкана адхілілі ад эфіру. Ён лічыць, што адбылося тое з-за яго грамадзянскай пазіцыі.
9 жніўня, пасля абвяшчэння вынікаў прэзідэнцкіх выбараў, распачаліся пратэсты сумнеўных у іх дакладнасці. Адпаведна былі масавыя затрыманні і неабгрунтаванае збіццё пратэстантаў.
Дзмітрый Чэкан у гэтай сітуацыі не стаў падымаць бадзёры настрой гарадзенцам ранкам.
Пратэст у Гродне
І вось як ён тое патлумачыў: «Я думаў, што мой забаўляльны кантэнт і пазітыўная падача інфармацыі выклічуць яшчэ большую хвалю негатыву ў слухачоў. За маўчанне ў эфіры мяне адлучылі ад вядзення ранішняга шоу».
Цяпер Дзмітрый працуе над уласным відэапраектам «ЧЭсна», але марыць вярнуцца на былую працу.
