Белстат: У Слонімскім раёне сярэдні заробак — 980 рублёў
Намінальны налічаны сярэдні заробак у верасні 2020 года ў Слонімскім раёне, паводле Белстата, зменшыўся амаль на 10 рублёў і склаў 980,9 рубля.
Па сённяшнім афіцыйным курсе Нацбанка гэта каля 380 даляраў у эквіваленце.
У абласным рэйтынгу заробкаў Слонімскі раён у верасні падняўся з 11-га на 8-е месца.
У верасні больш, чым на Слонімшчыне, зараблялі ў Астравецкім раёне (1 332,1 рубля), Гродзенскім (1 138,6 рубля), Бераставіцкім (1 046,2 рубля), Смаргонскім (1 048,0 рубля), Шчучыншчынскім (1 021,2), Лідскім (994,8 руб.), Ваўкавыскім (988,9 руб.) раёнах.