Карэта Папялушкі стала складам маёмасці ЖКГ
Цяпер замест Папялушкі ў карэце знаходзіцца склад мяшкоў для смецця.
Пазалетась на плошчы Леніна ў Мастах была выстаўлена дэкаратыўная карэта. У ёй сядзела Папялушка, на падножцы знаходзіліся гарбузы і два пацукі.
Выява стала адметнасцю горада.
Мяшкі ў карэце замест Папялушкі
Праз год не стала пацука і гарбузоў. ЖКГ іх не аднавіла.
Яшчэ праз год струхлела Папялушка, і яе з карэты прыбралі.
Работнікі ЖКГ карэту аздобілі кветкамі і ператварылі яе ў склад мяшкоў для збору смецця ды на дзверцах павесілі замок, каб мастаўляне не скралі тыя мяшкі.