Маліцеся, нябожчыкі, за нас
На паэтычнай хвалі
Маліцеся, нябожчыкі, за нас!
Вам, мусіць, там больш зразумела,
Дзе грэх, дзе бруд у наш шалёны час
Ці сапраўды прырода звар`яцела…
Надзеі прагнем, верым у любоў —
Жабрачы позірк згублены ў нябёсах…
Ці хто загоіць крыўды, здрады, боль
На нашай плоці, ў нашыхсціплых лёсах?
Здараецца, праменьчык прамільгне
Праз небасхіл, ад хмар глухі і вадкі, —
Ці бачны ён «тытанікам» на дне
Ці толькі лістападавымь лампадкам?
Маліцеся, нябожчыкі, за нас,
Пакуль мы цягнем кветкі да спакою,
Пакуль праменьчык, бачны нам, не згас,
Раскрыжаваны восеньскай імглою.