У Драпаве на Слонімшчыне гарэла надворная пабудова
У 20.26 гадзін у нядзелю, 29 лістапада, ратавальнікам патэлефанавалі вяскоўцы з Драпава і паведамілі, што гарыць суседская надворная пабудова, канстатуе старшы інспектар Слонімскага РАНС Юрый Булыка.
Калі ратавальнікі прыехалі ў вёску, гарэў дах будынка. На тушэнне пажару спатрэбілася паўгадзіны часу. Акрамя згарэлага даху, агнём былі пашкоджаны таксама сцены пабудовы.
Прычыну пажару павінна выявіць праверка.