Смяротны наезд у Лідскім раёне
Каля 9 гадзін раніцы 30 лістапада каля вёскі Даржы Лідскага раёна пад коламі “Мерседэса” загінула 18-гадовая дзяўчына, паведамляе ДАІ УУС Гродзенскага аблвыканкама.
Перад тым дзяўчына ехала ў якасці пасажыра на “Дэу” з 20-гадовым кіроўцам, які выехаў на паласу сустрэчнага руху і сутыкнуўся з “Аўдзі”.
Пасля ДТЗ
Пасля ДТЗ кіроўца і пасажыр выйшлі з машыны і чакалі на вуліцы прыезду супрацоўнікаў ДАІ, дзе дзяўчыну збіў “Мерседэс”, якім кіраў 48-гадовы мужчына. Ён патлмачыў, што бачыў аўтамабілі з уключанай аварыйкай і думаў іх аб’ехаць, не выязджаючы на паласу сустрэчнага руху. Завершыць такі манеўр кіроўца “Мерседэса” не паспеў — пад калёсамі яго машыны апынулася 18-гадовая пасажыр “Дэу”.
Дзяўчына атрымала калецтвы, ад якіх памерла на месцы да прыезду “хуткай дапамогі”, канстатуе рэсурс абласной ДАІ.
Па факту ДТЗ прызначана праверка.