Гарэлі гаспадарчая пабудова і жылы дом
За мінулыя суткі ў Гродзенскай вобласці адбыліся два пажары, канстатуе 3 снежня абласное ўпраўленне МНС.
Днём 2 снежня на вуліцы Слухавіцкай у Навагрудку адбыўся пажар у жылым доме, у выніку якога пашкоджаны перакрыцці на плошчы два квадратныя метры.
Вечарам гэтага ж дня ратавальнікам паступіла паведамленне пра ўзгаране гаспадарчай пабудовы на тэрыторыі прыватнага домаўладання ў вёсцы Вялікія Сцепанішкі Мастоўскага раёна. У выніку пажару пашкоджаны 4 кв. метры даху пабудовы.
Прычыны гэтых пажараў устанаўліваюцца.