Свабоду журналістам!
Журналісткі Кацярына Барысевіч, Кацярына Андрэева (Бахвалава) і Дар'я Чульцова кінуты за краты за сваю прафесійную дзейнасць па крымінальных артыкулах. Беларуская асацыяцыя журналістаў патрабуе неадкладнага вызвалення журналістаў.
Тым часам 6 снежня ў Гродне затрымалі журналістаў БелаПАН Марыну Харэвіч і Сяргея Людкевіча. Журналістаў даставілі ў Ленінскі РУУС, паведамляе сайт БАЖ.
Яшчэ адна з апошніх навінаў гэтага блоку — у следчы камітэт на допыт выклікаюць усіх 20 супрацоўнікаў «Нашай Нівы». Галоўны рэдактар «Нашай Нівы» Ягор Марціновіч з’яўляецца падазраваным па арт. 188 Крымінальнага кодэкса (паклёп).
Ягор Марціновіч (злева)
Цяпер, верагодна, следчыя чакаюць паказанняў супрацоўнікаў «Нашай Нівы» на свайго рэдактара.