У Іўеўскім раёне грузавы “Сітраен” сутыкнуўся з “Беларусам” — пацярпеў пасажыр машыны
Днямі адбылася аварыя на 99-м кіламетры аўтадарогі М-6 “Мінск – Гродна”, у якой траўмаваны адзін чалавек, паведамляе рэсурс абласной ДАІ.
Пасля сутыкнення
Як папярэдне ўстанавілі, 31-гадовы жыхар Мінскай вобласці ехаў на сваім “Сітраене” па крайняй правай паласе, быў аслеплены сонцам, не прыняў мераў для зніжэння хуткасці і здзейсніў наезд на трактар “Беларус”, які рухаўся ў спадарожным накірунку. Пасля сутыкнення “Сітраен” перакуліўся на левы бок.
Трактар
У выніку аварыі 26-гадовы пасажыр машыны з адкрытым пераломам нагі быў шпіталізаваны ў рэанімацыю Лідскай бальніцы.
Як адзначаецца ў паведамленні, у 2021 годзе кіроўца “Сітраена” пазбаўляўся правоў за перавышэнне хуткасці, а ў 2022 годзе прыцягваўся да адказнасці за стварэнне аварыйнай сітуацыі.
Фота ДАІ
