Пажары на Гродзеншчыне: у Ашмянскім раёне ад агню пацярпеў вясковец
За мінулыя суткі ў Гродзенскай вобласці здарыўся адзін пажар, у выніку якога пацярпеў жыхар вёскі Лейлубка, паведамляе МНС
Днём 7 жніўня мужчына 1987 года нараджэння падпальваў вогнішча на прысядзібным участку. Для распалу мужчына скарыстаўся бензінам. Калі ён запаліў запалку, адбыўся выбух газапаветранай сумесі і на ім загарэлася адзенне.
Патушыўшы самастойна ўзгаранне, вясковец папрасіў жонку выклікаць хуткую дапамогу.
Медыкі шпіталізавалі пацярпелага ў рэанімацыйнае аддзяленне бальніцы ў стане сярэдняй цяжкасці — ён атрымаў апёкі грудной клеткі, жывата і рук (18% цела).
Фота МНС
