У Лідзе сын-пенсіянер абакраў прыстарэлую маці
У канцы жніўня 63-гадовы пенсіянер, які жыве разам з 85-гадовай маці ў Лідзе, вырашыў крыху пабагачаць за яе кошт, паведамляе рэсурс абласной міліцыі
З шафы, дзе маці захоўвала свае зберажэнні, мужчына забраў сабе 1200 беларускіх рублёў і пайшоў іх расходаваць на свае патрэбы.
Маці хутка выявіла знікненне грошай і здагадалася, што іх забраў сын, пакулькі гасцей у хаце апошнім часам не было, а сын прыкладнымі паводзінамі не вызначаўся. Пра гэта яна паведаміла ў Лідскі РАУС.
Мужчыну затрымалі. Частку ўкрадзеных грошай у яго канфіскавалі, а Лідскі райаддзел Следчага камітэта ўзбудзіў супраць яго крымінальную справу па артыкуле “Крадзеж, здзейснены паўторна”.
