У Навагрудку падлетак на ровары патрапіў у аварыю і быў шпіталізаваны з пераломам нагі
Каля 8 гадзін раніцы 14 верасня ў Навагрудку адбылася аварыя з удзелам непаўнагадовага раварыста, паведамляе рэсурс абласной ДАІ
На месцы ДТЗ у Навагрудку
Падчас дажджу 14-гадовы вучань 9 класа ехаў на ровары па вуліцы Міцкевіча і спрабаваў спыніцца каля нерэгуляванага пешаходнага перахода, але няўдала —ён патрапіў правай нагой пад кола легкавіка Audi, які рухаўся з правага боку.
Раварыст атрымаў пералом нагі і быў дастаўлены ў бальніцу.
Магчыма, з-за траплення ў лужыну не спрацаваў патрэбным чынам ручны тормаз у ровары, адзначаецца ў паведамленні.
Фота ДАІ
