Пажары на Гродзеншчыне: у Слонімскім раёне гарэў камбайн «Палессе»
За мінулыя суткі ў Гродзенскай вобласці здарыліся тры пажары, паведамляе МНС
Раніцай 21 верасня на мехдвары ў вёсцы Васілевічы Слонімскага раёна загарэўся камбайн «Палессе» — УЭС-2-250А-1. У выніку пажару пашкоджана абсталяванне маторнага адсека камбайна.
Вечарам 21 верасня гарэла піларама на Савецкай вуліцы ў аграгарадку Азёры Гродзенскага раёна. Агнём знішчаны будынак піларамы, 2 кубаметры піламатэрыялаў і 4 дрэваперапрацоўчыя станкі. Работнікі МНС выратавалі 25 кубаметраў піламатэрыялаў пад навесам на адлегласці 10 метраў ад піларамы.
У гэты ж вечар гарэў жылы дом у аграгарадку Пераганцы Воранаўскага раёна. Там агнём пашкоджаны пасцельныя прыналежнасці і ложак.
Прычыны пажараў высвятляюцца.