Пажары на Гродзеншчыне: гарэў жылы дом і легкавік, адзін чалавек загінуў

За апошнія суткі ў Гродзенскай вобласці здарыліся 2 пажары, 1 чалавек загінуў, паведамляе МНС

Наступствы пажару

25 снежня ў 23.52 выратавальнікам паступіла паведамленне пра пажар у жылым доме ў вёсцы Сухадолы Ашмянскага раёна.

У выніку ўзгарання знішчаны дах, перакрыцці, пашкоджаны сцены і маёмасць у доме. У тамбуры карыдора на падлозе пад абломкамі будаўнічых канструкцый быў знойдзены мёртвым 62-гадовы гаспадар дома.

У Іўі гарэў легкавік

Днём 25 снежня ў Іўі ў завулку Чэхава загарэўся легкавік «Опель». У выніку ўзгарання пашкоджаны маторны адсек, абшыўка салона і панэль прыбораў машыны.

Прычыны пажараў высвятляюцца.

Фота МНС