Гарэў жылы дом і дзве гаспадарчыя пабудовы
За апошнія суткі ў Гродзенскай вобласці здарыліся тры пажары, адзін чалавек звярнуўся па дапамогу ў бальніцу з апёкамі, паведамляе рэсурс МНС
Наступствы пажару на кухні ў жылым доме
27 жніўня ў 12.34 выратавальнікам паступіла паведамленне пра пажар у жылым доме ў аграгарадку Кракаўка Ашмянскага раёна. У выніку ўзгарання пашкоджана выцяжка, кухонная мэбля, аздоба сцен і столі на кухні.
Гарэла гаспадарчая пабудова ў аграгарадку Пархімаўцы
Вечарам 27 жніўня гарэла прыватная гаспадарчая пабудова ў аграгарадку Пархімаўцы Бераставіцкага раёна. Агонь пашкодзіў дах і сцены ў будынку.
Наступствы пажару ў гаспадарчай пабудове
Яшчэ адна прыватная гаспадарчая пабудова гарэла позна вечарам у вёсцы Лозы Гродзенскага раёна. У выніку ўзгарання знішчана маёмасць у пабудове.
Згарэла маёмасць у гаспадарчай пабудове ў Лозах
Прычыны пажараў высвятляюцца.
Таксама 27 жніўня ў 16.45 выратавальнікам паступіла паведамленне пра шпіталізацыю ў хірургічнае аддзяленне Шчучынскай цэнтральнай райбальніцы мужчыны з апёкамі рук 1-2 ступені, атрыманымі ў выніку загарання пасцельных прыналежнасцей 26 жніўня ў аграгарадку Раковічы Шчучынскага раёна. Стан пацярпелага — сярэдняй ступені цяжкасці, адзначаецца ў паведамленні.
Фота МНС
