Зәйлеләр уракка төште
Бүген зәйлеләр республикада беренчеләрдән булып уракка төште."Зәй" агрофирмасының "Алга" бүлекчәсе басуында 12 комбайн берюлы көзге бодайны урып-суктыру эшенә кереште. Механизаторларга быелгы ел уңышын югалтуларсыз җыеп алу теләге белән фатыйханы район башкарма комитеты җитәкчесе Разиф Кәримов бирде. Агымдагы елда Зәй районы кырларында 40 мең 200 гектар мәйданда бөртеклеләр үстерелде. Шуның 10,5 мең гектары көзге бодай. Махсус комиссия тикшереп караганнан соң бу культураның иң өлгергән урыны дип "Алга" бүлекчәсе кырларын тапты. Бүлекчәдә 660 гектар көзге бодай мәйданы исәпләнә. Иң беренче көндә комбайнчылар 60 гектарны урып-суктыру нияте белән эшкә ябышты. Иң беренче булып икмәк кабул итү пунктына тапшырылган олау, әлеге басудан бер гектардан уртача уңышның әлегә 27 центнер булуын күрсәтте, диләр белгечләр.
