Томандықтар тоқалдан туған ба, немесе болашағы бұлдыр ауылдар көп
Ауыл! Бәрімізде осы ауылдан шықтық қой. Күні кеше емес пе еді, жайлауда қой бағып жүргеніміз. Жазғы демалысты асыға күтетінбіз. Шопан балаларының пионер лагері де осы жайлау болатын. Жайлауда біз еңбек тәрбиесін алып өстік. Қараңызшы, қозы айыру, күзем жүнін алу, күзгі күйек науқаны бәрі қабаттасып келе беретін.