“Эврика” конкурсы җиңүчеләре
Укучыларның фәнни-инновацияле эшләренең “Эврика” дип исемләнгән беренче район конкурсы узды. Лицей-интернат базасында үткән әлеге бәйгедә 10 уку йортыннан 19 укучы катнашты. Беренче урыннарны алучылар бу көннәрдә “Мәктәп проектыннан Татарстан Республикасының интеллектуаль элитасын формалаштыруга” дигән фәнни-гамәли конференциядә көчләрен сыныйлар. Ә район бәйгесендә җиңүчеләрнең һәм призлы урыннарга ия булучыларның барысына да ветеран-укытучы Дөлфидә Баһаветдинова бүләк-ләр өләште һәм чәй өстәле оештырды. Моңа беренче урынны алган лицей-интернатның 4 сыйныф укучысы Рәсим Җәләлов, 7 сыйныф укучылары Марат Ханбиков, Раил Исланов, Риназ Гайнатуллин, 8 сыйныфтан Ранис Зәйнуллин, 2 номерлы лицейның 9 сыйныф укучысы Элина Сафина, Әлки мәктәбеннән 8 сыйныф укучылары Линар Галәветдинов һәм Азат Гафиятов, Иске Тинчәледә 7 сыйныфта укучылар Илназ Төхфәтуллин һәм Илназ Хөснетдинов, икенче урын бирелгән 5 номерлы мәктәпнең 9 сыйныф укучысы Ангелина Брюханова, Раководан 7 сыйныфта белем алучы Артем Фадеев һәм Денис Тимофеев, лицей-интернатта 6 сыйныфта укучы Фаил Баһаветдинов, Яңа Тинчәледән 10 сыйныф укучылары Самат Габбазов, Ранис Алимов, Р. З. Сәгъдиев исемендәге мәктәптән 10 сыйныф укучысы Валерий Андреев һәм эшләре өченче крынга бәяләнгән Адав-Толымбай мәктәбендә 8 сыйныфта белем алучы Раилә Сафиуллина, Иске Суыксуда 7 сыйныфтк укучы Гөлназ Хәйдарова лаек булдылар. Аларга район мәгариф идарәсе Дипломнары да тапшырылды.
