28 мая 2015 года в Буинске

28.05.2015 18:12

Рус теленән бердәм дәүләт имтиханнары 1 номерлы мәктәптә узды

Бүген барлык чыгарылышлар рус теленнән мәҗбүри бердәм дәүләт имтиханы тапшырдылар. Ул он-лайн видео күзәтү режимында узды. Барышына Татарстан Республикасы белем бирүнең сыйфатын контрольләү департаменты вәкиле һәм җирле җәмәгатьчелек күзәтүчеләре күзәттеләр. Имтихан бирүчеләргә иң кимендә 36 балл җыярга кирәк. Бирә алмаучылар һәм сәбәпле рәвештә катнаша алмаучылар өчен резерв көн 22 июньгә билгеләнгән. Фото http://yandex.ru/clck/jsredir?from=yandex.ru%3Bimages%2Fsearch%3Bweb%3B%3B&text=&etext=702.tbpyKLxmut9Q2nW3wCMOQ_4TFuQ7g-jEfAwQ

28.05.2015 16:33

Буалы ир-ат хакимият вәкилен кеше алдында мәсхәрәләве өчен хөкем ителде

26 мартта кичке 4ләрдә Буа районы буенча ведомстводан тыш сак бүлеге экипажы үзләренә кергән хәбәр буенча вакыйга урынына чыгалар. Барган урында исерек хәлдәге ир-атны очраталар. Полицейскийларның гамәлләренә карата ризасызлык күрсәтеп, ул вазифаи бурычын үтәүче полиция өлкән лейтенантына сүгенү сүзләре әйтә. Судта ир-ат үз гаебен таныды һәм ул дәүләт файдасына 7 мең сум штраф түләүгә хөкем ителде.

28.05.2015 16:27

Авыл Сабан туйларына кайчан һәм кая җыенырга?

Алдан хәбәр итүебезчә, быел Буада авыл Сабан туйлары 6 июньдә, шимбә көнне булачак. Быел халкыбызның милли бәйрәме районның ике авылында – Исәктә һәм Яңа Тинчәледә узачак. Икесе дә – 6 июньдә. Аны үткәрүчеләр нинди артистлар алып кайтачаклар, программалар турында әле әйтәсе кыенрак, әмма кызык булачак, анысы факт. Ә район Сабан туе, елдагыча, “Буа-Алан”да 7 июньдә узачак.

28.05.2015 15:37

Татарстанда көчле җилләр көтелә

Республикада аномаль кызу һава торышы урнашты. Көндезге температура плюс тамгасы белән 29-34 градуска җитә.Сүз уңаеннан бу климатик нормадан 9 һәм аннан күбрәк градуска югары.Республика гидрометцетры кызулар аркасында көчле җилләр кузгалуын да хәбәр итә. Шулай ук янгын куркынычы да зур булып кала.

28.05.2015 11:29

Район үзәк дәваханә каршында парковка булачак

Бүгенге көндә”Пятерочка” кибете каршындагы әлеге мәйданчыкта таш өемнәре тора һәм эш кайный. Асфальт өслекле туктау урыны булганчы дәваханәгә килгән, кибеткә туктаган йөртүчеләр парковкаланырга урын эзләргә мәҗбүрләр. Шуңа күрә Үзәк урамның әлеге өлешендә ике яклап автомобильләр тора. Әлеге уңайсызлыклар вакытлыча гына, шуңа күрә әлеге урынны сак кына узып, көтелмәгән хәлләргә очрамаска тырыыгыз.

28.05.2015 10:09

Су бар. Ленар Яраханов сүзендә торды

Кичә кич сәгать җиделәрдә Яшьләр, Богдан Хмельникий урамында, шикәр заводы бистәсе ягында яшәүчеләргә су бирелде. Иртәнге якта Көнбатыш бистәдәге йортларда су бар иде. Көнбатыш су алу башнясында зур авария булу сәбәпле ике көн сусыз торучыларга “Буа Водоканал” җәмгыяте директоры Ленар Яраханов шул сәгатьтә караннардан су киләчәк дип вәгъдә иткәг иде. Сүзендә торды.