5 июня 2015 года в Буинске

Быел Бөек Ватан сугышы ветераннары, инвалидлары, тыл хезмәтчәннәре, инвалидлар һәм пенсионерлар үзләре асраган этләрен түләүсез стерильләштерә алалар. Бу йорт хайваннарының контрольсез үрчүенә киртә кую өчен эшләнә. Өлкәннәр өчен әлеге кыйммәтле операция кыйбатка төшәчәк, ә этләр үрчиячәк тә, үрчиячәк. Түләүсез стерильләштерү көне айның соңгы җомгасына билгеләнгән. Моның өчен Р. Люксембург урамында урнашкан дәүләт ветеринария клиникасына мәрәҗәгать итәрәә кирәк. 

Көе һәм сүзләре авторы җирле композитор һәм җырчы Сергей Восканян Буадагы, район авылларындагы, Мордовиянең Ләмбер районындагы Сабантуй, Акатуй мизгелләреннән видеоклип астында өр-яңа “Сабантуй” җырын тыңлагыз әле. Аны җирле композитор һәм җырчы Сергей Восканян язды, үзе башкара да. Җырга бизәлешне Айрат Мифтахов ясады, ә видеоклипны Газинур Хәйретдинов төшерде.  “Сабантуй” җыры рус телендә язылса да, милли бизәкләрне тулысынча бирә алган. Быелгы Сабантуйда ул үзәк мәйданда да яңгыраяак.

Мөстәкыйм абый Хәйбулловның  чиккән сөлгеләр, кыңгыраулар белән бизәлгән тарантаслы атлары  күп еллар инде Сабантуйның бер яме ул. Милли бәйрәмгә бизәлгән атларда бару әтисеннән килгән гадәт. Сабантуй алдыннан Мөстәкыйм абыйның планнарын белешеп кайттык. -Кичә киләсегез бар иде, күргән булыр идегез тамаша, буяуга батып арбаны, дугаларны буядым, - дип каршы алды ул безне. Хуҗа гараж ишеген тутырып ачып куйган. Менә кыңгыраулы дуга Сабантуй “көтеп ята”! Быел Мөстәкыйм абый аны ачык яшел төскә буяган. Читать дальше...

  Камил Вәлиев Буа егетләре арасында быелгы "Созвездие-Йолдызлык" фестивальендә катнашучылардан иң кечкенәсе. Аңа алты яшь. Мондый мәр-тәбәле бәйгедә беренче мәртәбә генә катнашты һәм район, зона турларында беренче урын алып,  Казанга суперфиналга кадәр барып җитте. Ә кулына профессиональ микрофонны беренче мәртәбә өч яшендә тотты ул. Район мәдәният йорты сәх-нәсенә Фирзәр Мортазинның юбилей концертында җырлады. Дөресрәге, дуслары гаиләсендә шундый талант үсеп килүен белгән Татарстанның атказанган артисты... Читать дальше...

“Президент белән бергә” республика хәрәкәте активистлары Сабантуйда катнашырга әзерләнәләр. Татарстанның барлык районнарында, шул исәптән Буада да,  Хәрәкәтнең җирле бүлекчәләре үз “Спортлы Татарстан” мәйданчыкларын булдырачаклар. Аларда теләгән һәркем ГТО нормаларын тапшыруда көчен сыный алачак. Иң активларга грамоталар һәм истәлекле бүләкләр тапшырылачак. Исегезгә төшерәбез: “Буа-Алан”да Сабан туе 7 июнь көнне 10 сәгатьтә башлана. “Президент белән бергә” хәрәкәте активистлары халык арасында... Читать дальше...

Чыгарылышлар имтиханнар башланганның беренче көнендә – 25 майда сайлау буенча предметлар – географиядән һәм рус әдәбиятыннан тапшырган бердәм дәүләт имтиханнары нәтиҗәләре билгеле булды. Барысы да чик бусаганы узган. География буенча дүрт укучы арасында иң югары – 89 баллны шәһәрнең М. Вахитов исемендәге гимназиясеннән Зилә Шәрәфетдинова, рус әдәбиятыннан 8 кешедән 78 баллны Р. З. Сәгъдиев исемендәге мәктәптән Алла Дон  җыйганнар.