19 июня 2015 года в Буинске

19.06.2015 14:50

Буада медицина хезмәткәрләре көненә җыр язылды (видеоклип)

Җирле композитор һәм җырчы Сергей Восканян чираттагы җырын табибларга һәм шәфкать туташларына багышлады. Сергей Вазгенович һәм аның коллегалары – сәнгать мәктәбе укытучылары синтезаторчы Дамир Гыйсмәтуллин һәм җырга видеоклип төшерүче Газинур Хәйретдинов тырышылыгы белән әлеге җырны тыңлап һәм карап та була. Видоклипта исә район үзәк дәваханәсенең көндәлек эшчәнлегеннән алынган кадрлар. Хөрмәтле медицина хезмәткәрләре, якташыбызның җырын һөнәри бәйрәмегез уңаеннан язылган җырын бүләк итеп кабул итегез һәм рәхәтләнеп тыңлагыз, карагыз. Читать дальше...

19.06.2015 14:18

Һава торышы бозыла: боз, көчле яңгыр һәм җил көтелә

Синоптиклар бүген көннең икенче яртысында һәм кич , 20 июньдә иртәнге якта Татарстан территориясеннән актив фронталь кисәкләр узганда бигрәк тә көньяк һәм көнчыгыш районнарда һава торышының кискен бозылуын фаразлыйлар. Яшенле яңгырлар, урыны-урыны белән боз явуы, җилнең вакыт-вакыт секундына 19-24 метр тизлеккә кадәр көчәюен хәбәр итәләр. Мәгълүматларны Татарстан Республикасы гидрометеорология үзәге җиткерә. Фото www.berdsk.ru сайтыннан алынды.

19.06.2015 11:39

Шәһәр һәм район балалар бакчаларына “шартлаткыч” куярга теләделәр

Буада бүген сирена кычкыртып “чапкан” ведомстводан тыш сак бүлеге хезмәтчелеге автомобильләре халык игътибарын җәлеп итми калмагандыр. Нәрсә булганын шәһәр прокуратурасында гына ачыклый алдык. Буа шәһәр прокуроры урынбасары Ришат Гыйззәтуллин белдерүенчә, бу җирле прокуратура инициативасы белән терорчылыкка каршы законнарның үтәлешен тикшерү булган. Шәһәрнең һәм районның 6 балалар бакчасына, коллективның уяулыгын тикшерү максатында, территориягә үтеп кереп, шартлаткыч муляж куярга омтылганнар. Читать дальше...

19.06.2015 10:49

Казандагы күп балалы гаиләдә уникенче сабый туды, ә Буадагы иң ишле гаиләнең унберенчесенә ике айдан бер яшь тула

Россия көнендә Казанда Бочковлар гаиләсендә туган кыз баланың исемен Дарина кушканнар. Аның ике абыйсы һәм тугыз апасы бар. Ә безнең Буада иң күп – унбер балалы гаилә Иске Мәртле авылында яши. 43 яшьлек Александр һәм Елена Матвеевларның кечкенә Артемының 5 апасы, 5 абыйсы бар. Моның өстенә Матвеевларның өч оныклары, олысына – 5 яшь булып килә. Күп балалы гаиләнең 4 баласы мәктәпне тәмамлаган, 4есе – укучы, 3есе мәктәпкәчә яшьтә. Фото mamapapa.5gbfree.com сайтыннан алынды.

19.06.2015 09:46

Танылган җырчы Илсөя Бәдретдинова ире, журналист Илфак Шиһапов белән тормый

Бу хакта имеш-мимешләр халык телендә күптән йөрсә дә, чынбарлык шушы көннәрдә генә ачыкланды. Илфак Шиһаповның “Ирек мәйданы” газетасына биргән әңгәмәсендә хәбәр расланды. Илсөя Бәдретдинова үзе дә: -Ике айлап бергә яшәмибез. Илфак белән без язылышмаган идек, шуңа рәсми аерылышмадык та, ә ир белән хатын булудан туктадык. Ирем эчкәнгә күрә аерылдым. Әмма алга таба дуслар булып калырга, бергә эшләргә килештек, - диде. Мәгълүмат Интертат.ру сайтыннан алынды.