Буа икмәк комбинатының арыш ипие нигә кыйммәтләнде?
Буа икмәк комбинатының арыш ипие бер сумга кыйммәтләнде, дигән хәбәр булды халык арасында. Белешүебезчә, бу ипи бәясе арту түгел, ә җирле пекарняның яңа сортлы арыш ипие 25 сум тора. “Дарницикий” сортлы без ярата торган арыш ипие һаман шул бәядә – 24 сум. Комбинатның баш технологы Рамилә Хәйретдинова болай аңлатты: - Бездә ипигә бәяләр артмады. Формасы буенча традицион “Дарницкий” сортлы арыш ипиенә охшаш “Дачный” сортлысын пешерә башладык. Ул “Дарницикий”дан1 сумга кыйммәтрәк. Ипиләрнең бәя аермасы составларына бәйле – “Дачный” ипиенә “Дарницкий”га караганда 1 сортлы он күбрәк кушыла. Ә бодай оны, арыш оныннан кыйбатрак тора. Кибетләрдә ипиләрнең ике төрлесе дә сатылачак.
