Буалы кредит бурычлылары колагына:үзегезне ничек банкрот дип танытырга?
Кредит бурычларын түли алмаучы физик затларны банкротка чыгару турында закон гамәлгә керде. Кредит йөге булучылар әлеге яңалык белән шунда ук кызыксына башладылар. Кем банкрот санала ала? Нинди шартларда? Әлеге язмада шуңа ачыклык кертергә тырыштык. Һәм шуны аңладык: кредит бурычына батучылар закон нигезендә банклар барлык әҗәтләрен дә сызып ташлаячак, дип уйласалар, нык ялгышалар. Аның тәртибе шулай: физик зат үзен банкрот итеп танысыннар өчен алдан ссуда биргән банкка мөрә-җәгать итәргә тиеш. Кредитор иң элек бурычыгызны реструктурлаштырырга – кредит бурычын кабат исәпләргә һәм киметергә; яңа кредит алырга; ике-өч елга түләүне кичектерергә тәкъдим итәчәк. Сез тәкъ-дим ителгән юлларны кулланып та үзегезнең түләүгә сәләтсезлегегезне дәлил-ләп, банкрот дип тануларын үтенеп, судка гариза яза аласыз. Экспертлар әйтүенчә, банкротлыкка чыгу һәркем хә-леннән килерлек түгел. Бу процесс кимендә 6 айга сузылырга мөмкин. Банкротлыкка чыгу түләүле процедура. 50-60 мең сумга төшә диләр. Әйтик, 50 мең сум бурычын түли алмаган физик зат банкротлыкка чыгару өчен 50-60 мең сумны кайдан тапсын соң? Кредит бурычын түли алмаучы барлык яктан да – торак-коммуналь хезмәт-ләр, салымнар, башка кредитлары буенча да түли алмавын күрсәтергә тиеш. Потенциаль банкрот эшсез булырга, биржада торырга мөмкин, кыскасы, аның финанс хәле һәр яктан кыенлаша бара икәнен расларга кирәк. Банкротлык турында гаризаны кредит бирүче дә язарга хокуклы. Чөнки бурычлы заттан акча эзләп алу белән алар күбрәк кызыксына. Бу очракта арбитраж идарәче, юридик хезмәтчелекләр хезмәт күрсә-түенә кредит бирүче түли. Хәзерге вакытта банкротлык турында законнан кредит бирүчеләр генә файдалана. Экспертлар фаразы буенча бурычлылар яңа законны сирәк кулланачаклар. Аның зур суммада бурычы булучыларга гына файдасы булырга мөмкин. Ә бу хакта банк идарәчелә-ре нәрсә уйлый? Наилә ХӘСИПҖАНОВА. Рәмис МИФТАХОВ, “Автоградбанк” идарәчесе: - Минемчә, яңа закон банклар биргән кредитлар буенча җыелган бурычларны законлы кичерү өчен эш-ләнгән. Моңа кадәр ссуда алучыларның әҗәтләре еллар буе банк өстенә җы-ела килде. Банкрот дип игълан итү өчен физик затның банк алдында 500 мең сумнан ким булмаган бурычы булырга һәм ул аны, аз дигәндә, өч ай дәвамында түләмәгән булырга ти-еш. Яңалыклар белән танышып торам. Әлегә суд процессын үткән физик зат турында ишеткәнем булмады. Банкротлаштыру зур суммалар алган бурычлы заемчыларга гына отышлы. Чөнки кечкенә суммада бурычлыларга банкротлыкка чыгу процессы да шулкадәр суммага төшәргә мөмкин. Физик затларны банкротлыкка чыгару турында: бурыч суммасы – 50 мең сумнан алып; түли алмау вакыты – 3 айдан алып; бурычны каплау өчен вакыт – 5 елга кадәр; бакротлыкка чыгару – 5 елга бер тапкыр. Кредит бурычы өчен мөлкәттән мәхрүм итү ихтималы: бердәнбер яшәү урынына тимәячәкләр; ипотека кредитына алынган торак алынырга мөмкин; бурычлының гомуми суммасы 30 мең сумга кадәр, шәхси әйберләре һәм көндәлек кирәк-яраклар сатып алу өчен 25 мең сумга кадәр акчасы үзендә калдырылырга мөмкин.
