Кар ноябрь уртасында ятачак
Метеорологлар быел Татарстанда октябрь аен гадәттәгедән 1-2 градуска салкынрак узуын күрсәтә. Термометрда терекөмеш баганасы элек октябрь азагы-ноябрь башында гына нульдән аска төшсә, быел октябрьнең беренче яртысында ук салкынайтты. Күзәтүләр буенча соңгы 30 елда республикада октябрьнең беренче яртысы 1987 елда һәм 2002 елда шулай салкын булып теркәлгән. Быел көчле җил белән ябырылган явым-төшемнәр – яңгыр һәм кар бигрәк тә көнчыгыш районнарда климатик нормадан артып киткән. Татарстанда беренче кар көнчыгыш районнарны, Кама аръягы, Алабуга, Тәтеш ягын 6 октябрьдә үк каплады. Басу-кырларда аның калынлыгы 12-13 сантиметрга кадәр җитте. Җир дымга туену сәбәпле, Күпьеллык күзәтүләргә таянып, метеорологлар Татарстанда кар 10-21 ноябрьдә ятар дип фаразлыйлар.
