Бүген таңда Мисырдан Казанга 675 пассажир кайтты
3 сәгать 5 минутта Казан аэропортына төшкән самолетта 209 пассажир, шуның 51е балалар, 4 сәгать 42 минутта Шарм-Эль Шейхтан очкан авиарейсның 222 пассажиры арасында 64есе балалар, 4 сәгать 51 минутта Хургададын күтәрелеп киткән очкычта 244 пассаҗирының 73е балалар иде. Аларны аэропортта якыннары каршы алдылар. Коточкыч фажигадан соң, Мисырдан Татарстанга очу тыелганнан бирле барлыгы 11 рейс белән 2465 кеше кайтарылган. Туризм буенча дәүләт комитеты мәгълүматларына караганда, Мисырда әлегә 1312 ял итүче россияле кала. Россия Президенты Владимир Путин боерыгы белән узган җомгада Россия авиациясенең Мисырга очуы тыелды. Министрлар Кабинетына анда калган россиялеләрнең хәвеф-хәтәрсез кайтуын тәэмин итәргә кушылды. Пассаҗирларга үзләре белән авыр багаҗларын алырга рөхсәт ителми. Аларны башка самолетта алып кайталар.
